WWE2K 15(Complete Edition)

Football ၊ Basketball နှင့် Baseball လိုအားကစားတွေရဲ့ ပရိသတ်တွေအနေနှင့် မိမိတို့အားပေးတဲ့ professional ကစားသမားတွေလောက် မတော်ရင်တောင် အပြင်မှာ လိုက်လံကစားနိုင်ပေမည့် Boxing တို့ Wrestling တို့အားကစားတွေကတော့ အပြင်မှာ လိုက်ကစားဖို့ ခက်ခဲသလို၊ အန္တရာယ်များတဲ့ ကစားနည်းတွေလည်းဖြစ်လို့ ကိုယ်တိုင်ပါဝင်သူထက် ပရိသတ်ပိုများသလို ဖျော်ဖြေရေးပိုဆန်တဲ့ အားကစားတွေထဲမှာ လူစိတ်ဝင်စားမှုရများဆုံး အားကစားပွဲကတော့ World Wrestling Entertainment (WWE) ရဲ့ နပန်းပွဲများပဲဖြစ်ပါတယ်။ အပြင်မှာ ကိုယ်တိုင်လိုက်လုပ်ဖို့ မဖြစ်နိုင်လို့လည်း Boxing ၊ UFC နှင့် Wrestling လိုဂိမ်းတွေက အားကစားပရိသတ်တွေကြား ရောင်းကောင်းတဲ့ ဂိမ်းတွေဖြစ်နေတာ တွေ့ရမှာပါ။ တစ်ယောက်ချင်းဆီရဲ့ ထူးခြားတဲ့ ကိုယ်ပိုင်တိုက်ကွက်တွေ၊ ဇာတ်လမ်းဆင်ထားတာတွေလည်း ပါသလို မထင်မှတ်ထားပဲ ဖြစ်ပျက်သွားတဲ့ ပြကွက်တွေကြောင့် ကလေးကနေ လူကြီးအထိ အရွယ်စုံပရိသတ်မျိုးစုံရှိတဲ့ WWE (ယခင် WWF - World Wrestling Federation) ဟာ TV Show နှင့် အားကစားပွဲအဆင့်ကနေ အရုပ်နှင့် အမှတ်တရ ပစ္စည်းများ၊ Video Game လိုအခြား media များအထိပါ ပရိသတ်အားပေးမှု ရရှိခဲ့ပြီးဖြစ်ပါတယ်။

World Wrestling Entertainment (WWE)/Smack Down VS RAW စီးရီးဟာ မူလ publisher THQ ဖျက်သိမ်းပြီးခဲ့တဲ့နောက်မှာ NBA2K Seires နှင့် MLB2K Series ကဲ့သို့ အားကစားဂိမ်းတွေ ဖြန့်ချီနေကြဖြစ်တဲ့ publisher 2K Sports ရဲ့ ဝယ်ယူခြင်း ခံခဲ့ရပြီးနောက် ထွက်ရှိလာတဲ့ ဒုတိယမြောက်ဂိမ်းဖြစ်တဲ့ WWE2K15 ဂိမ်းသစ်ဖြစ်ပြီး အရင်နှစ်ကတော့ PS3 နှင့် Xbox360 တို့မှာပဲ ထွက်ရှိခဲ့ပေမည့် ဒီနှစ်မှာတော့ PS4 နှင့် Xbox One တို့လို 8th Generation Console ဂိမ်းစက်တွေအတွက်ပါ ထွက်ရှိခဲ့သလို Complete Edition အနေနှင့်လည်း PC မှာ Chracters & Move Packs DLC တွေအားလုံးပါဝင်ပြီး ဆက်လက်ထွက်ရှိလာပါတယ်။

နှစ်စဉ်ထွက်တဲ့ ဂိမ်းစီးရီးတစ်ခုအနေနှင့် ကြည့်မယ်ဆိုရင် အဓိကတိုးတက်ပြောင်းလဲမှု အများဆုံးကတော့ Graphics ပိုင်းကတော့ PC ၊ PS4 နှင့် Xbox One versions မှာ ကစားသမားတွေ ချွေးထွက်တာတွေ၊ ဒဏ်ရာရတာတွေကို လုံးဝအသေးစိတ်ပြသနိုင်ပြီဖြစ်သလို အဆင့်မြင့် motion capture နည်းပညာကြောင့် character animation ပိုင်းနှင့် ပိုမိုသွက်လက်ပြီး ကြည့်ကောင်းလာမည့် တိုက်ခိုက်မှု ပိုင်းတွေပါဝင်လာပါတယ်။ Gameplay ပုံစံကိုလည်း fighting ဂိမ်းထက် sports ဂိမ်းပိုဆန်အောင် ပြောင်းလဲထားသလို ရန်သူလက်သီးနှင့်ထိုးရင် Reverse တိုက်ကွက်ပြန်အသုံးချနိုင်ရင် အရင်လို ပြန်ဖမ်းရုံမဟုတ်တော့ဘဲ counter attack အနေနှင့် မိမိပြိုင်ဘက်ကို ချက်ချင်းပြန်လည် တိုက်ခိုက်နိုင်ပါပြီ။ ထုံးစံအတိုင်း ကစားသမားတစ်ယောက်ချင်းဆီရဲ့ signature move နှင့် finisher တွေကို ပုံစံအသစ်တွေ မြင်တွေ့ရမှာ ဖြစ်သလို ရန်သူကို လေထဲပစ်မြောက်ပြီး ပြန်ဖမ်းကာ အသုံးပြုလို့ရတဲ့ Catapult finisher၊ ပြိုင်ဘက်နှစ်ယောက်ကို တစ်ပြိုင်တည်း finisher အသုံးပြုလို့ရမည့် ကစားကွက်တွေလည်း ပါဝင်ထားပါတယ်။ Move pack DLC လည်း complete edition မှာ အခမဲ့ပါဝင်ထားလို့ အရင်ကိုင်နေကြ ကစားသမားတွေနဲ့ ဆော့မယ်ဆိုရင်တောင် အကွက်ဆန်းတွေ အသုံးပြုနိုင်တော့မှာပါ။

WWE2K15 ဂိမ်းသစ်မှာ လက်ရှိကစားနေဆဲဖြစ်တဲ့ Big Show, CM Punk, Chris Jericho, John Cena, The Rock, Triple H စသော လူကြိုက်အများဆုံး wrestlers တွေနှင့်အတူ အမျိုးသမီး wrestlers (DIVA) များ၊ Ultimate Warrior, Bret Hart, Hulk Hogan, Razor Ramon, Sting အစရှိတဲ့ Classic WWF ခေတ် ကစားသမားဟောင်းများပါဝင်ထားပြီး အရင်ထွက်ပြီးသား ဂိမ်းများနှင့် အဓိကကွာခြားချက်ကတော့ WWF နှင့် WWE ခေတ်မှ သမိုင်းဝင် ပြိုင်ပွဲများမှာ ဝင်ရောက်ကစားနိုင်သလို မှတ်တမ်းတင် video footage များကိုပါ ကြည့်ရှုနိုင်မည့် 2K Showcase story mode ပဲဖြစ်ပါတယ်။ နောက်ထက်စိတ်ဝင်စားဖို့ကောင်းတဲ့ game mode ကတော့ ကစားသမားနှစ်ယောက်တစ်တွဲစီရဲ့ ပြင်းထန်တဲ့ ပြိုင်ဆိုင်မှုတွေကို မှတ်တမ်းတင်ထားတဲ့ Rivalry Mode ဖြစ်ပြီး John Cena နှင့် CM Punk တို့ရဲ့ တိုက်ပွဲတွေ၊ Triple H နှင့် Shawn Michaels တို့ရဲ့ ရန်ညှိုးထား တိုက်ခိုက်မှုတွေကို ဇာတ်လမ်းဆင်ထားလို့ အမာခံ WWE ပရိသတ်တွေ ကစားလို့ကောင်းမည့် game mode အသစ်ဖြစ်ပါတယ်။

WWE2K15 ရဲ့ PC edition ဟာဆိုရင်လည်း Mod Support ပါဝင်တဲ့အတွက်ကြောင့် costumes တွေသာမက character models တွေမျိုးစုံပြင်ဆင်နိုင်မှာဖြစ်သလို graphics ပိုင်းကလည်း အရင်ဂိမ်းတွေကထက် နှစ်ဆနီးပါးလောက်ထိကို ပိုကောင်းလာပြီး gameplay ပိုင်းလည်း ပိုကောင်းလာတဲ့အတွက် WWE ပရိသတ်တွေ သဘောကျမည့် ဂိမ်းသစ်ဖြစ်ပါတယ်။

*** Game Review ကို MMGamers မှကူးယူဖော်ပြပါသည်။***

Minium Requirment
OS: Windows 7
Processor: Intel Core 2 Duo E6600 / Athlon X64 3400
Memory: 4 GB RAM
Graphics: GeForce GTX 470 / Radeon HD 5850 / Intel HD 4600
DirectX: Version 11
Hard Drive: 4158 MB available space

Recommended Requirment

OS: Windows 7 / Windows 8
Processor: Intel Core i5-750 / AMD Athlon X4 760K
Memory: 8 GB RAM
Graphics: GeForce GTX 560 / Radeon HD 7770
DirectX: Version 11
Hard Drive: 4200 MB available space

Direct Download(6.54 GB)

Mortal Kombat X

NetherRealm Studios ရဲ့ Mortal Kombat X ဂိမ်းသစ်ဟာ video game generations လွှတ်သွားခြင်းမရှိဘဲ နှစ်ပေါင်းများစွာ အဆက်မပျက်ထွက်ရှိခဲ့တဲ့ Mortal Kombat ဂိမ်းစီးရီးရဲ့ ဆယ်ခွေမြောက်ဂိမ်းသစ်ဖြစ်ပြီး 2011 ခုနှစ်ကနေ ဇာတ်လမ်းပုံစံအသစ် (Reboot) အဖြစ် ပြန်လည်စတင်ခဲ့တဲ့ Mortal Kombat 9 ရဲ့ တိုက်ရိုက်အဆက်လည်းဖြစ်တဲ့အတွက် MK9 တုန်းကလို စိတ်ဝင်စားစရာကောင်းတဲ့ singleplayer storyline cutscenes တွေ သွက်လက်တဲ့ versus fighting gameplay တွေသေချာပေါက် ပြန်လည်ပါဝင်ထားပါတယ်။ အရင် PlayStation 2 တို့ Nintendo Game Cube ဂိမ်းစက်တို့မှာကတော့ Mortal Kombat ဂိမ်းတွေအများကြီး ထွက်ခဲ့ပေမည့် 7th Generation တုန်းကတော့ Mortal Kombat 9 တစ်ခွေသာ နောက်ကျပြီးထွက်ခဲ့ပါတယ်။ ဒါပေမည့် 8th Generation အတွက် စောစောစီးစီးထွက်လာပြီး PC ၊ PlayStation 4 နှင့် Xbox One အတွက်ကတော့ April လအတွင်းက ထွက်ခဲ့ပေမည့် Xbox360 နှင့် PlayStation 3 Version တွေကိုတော့ June လ 2 ရက်နေ့မှာက ကစားနိုင်မှာဖြစ်ပါတယ်။

Tekken နှင့် Dead or Alive တို့လို 3D စနစ်နဲ့ စခဲ့တဲ့ Versus Fighting ဂိမ်းအများစုကပဲ အပေါ်အောက် (shifting) ပုံစံသွားလာနိုင်တဲ့ background level တွေကိုထည့်သွင်းခဲ့သလို Mortal Kombat တို့ Street Fighter တို့ဟာ ကြားထဲမှာ 3D level စနစ်သုံးဖြစ်ခဲ့ပေမည့် အစကတည်းက လူကြိုက်များခဲ့တဲ့ 2D gameplay တွေကိုပဲ ပြန်အသုံးချလာတာ တွေ့ရပါတယ်။ Mortal Kombat X မှာလည်း ရှေ့နှင့်နောက်ပဲ သွားလာလို့ရတဲ့ 2D level တွေနှင့် 3D character model တွေကို ပေါင်းစပ်ထားပြီး X-Ray attack တွေသုံးရင် Fatality တွေသုံးရင်တော့ Camera Angle တွေပြောင်းလဲသွားမည့် 2.5 viewpoint စနစ်ကို အသုံးပြုထားပါတယ်။ NetherRealm Studios ကပဲ ရေးသားတဲ့ DC Comic’s Injustice: Gods Among Us ကလိုပဲ နောက်ခံ level တွေမှာရှိတဲ့ items တွေ၊ ထောင်ချောက်တွေကို အသုံးပြုလို့ရမည့် interactive background level တွေကိုလည်း ထည့်သွင်းပေးထားတာ တွေ့ရမှာပါ။

Singleplayer Story mode အနေနှင့်ကတော့ အဓိကလူဆိုးခေါင်းဆောင်ဖြစ်သူ Shinnok နှင့် Quan Chi ဦးဆောင်တဲ့ NetherRealm မှမကောင်းဆိုးဝါးတပ်ဖွဲ့ဟာ ကမ္ဘာမြေ Earthrealm ကိုအပိုင်သိမ်းဖို့ ဝင်ရောက်ကျူးကျော်တဲ့အတွက် Johnny Cage၊ Sonya Blade၊ Kenshi နှင့် Raiden လိုမျိုး ပရိသတ်သဘောကျ ရင်းနှီးပြီးသား ဇာတ်ကောင်တွေက ပြန်လည်တိုက်ခိုက်ရပုံကို တပ်ဖွဲ့နှစ်ဖွဲ့လုံး နေရာမှ ဝင်ရောက်ကစားရမှာဖြစ်ပါတယ်။ အစောပိုင်းဇာတ်လမ်းအနည်းငယ်က လွဲပြီးတော့ ကျန်ရှိတဲ့ Story mode တစ်ခုလုံးက 25 နှစ်အကြာမှာ နေရာယူထားပြီး စုစုပေါင်း playable character 24 ယောက်ပါဝင်ထားသလို Story mode ထဲမှာပဲ ပါဝင်ထားပြီး versus mode ထဲမှာ ကိုင်လို့မရတဲ့ ဇာတ်ကောင်အချို့လည်း ကျန်နေပါသေးတယ်။ Kombat Pack လို့အမည်ပေးထားတဲ့ Jason နှင့် Predator တို့လို နာမည်ကြီး movie characters တွေပါဝင်ထားတဲ့ DLC တွေလည်း နောက်ပိုင်းထွက်ရှိလာဦးမှာဖြစ်ပြီး Goro ကတော့ Pre-order Bonus နှင့် Day One DLC အဖြစ် ပါဝင်ထားပါတယ်။ အနာဂတ်မှာ နေရာယူထားတဲ့အတွက် Liu Kang လိုမျိုးအရင်မြင်နေကြ ဇာတ်ကောင်တွေကို ဆံပင်ဖြူတွေနှင့် အသက်ကြီးနေတဲ့ ပုံစံမျိုးမြင်တွေ့ရမှာဖြစ်သလို Johnny Cage နှင့် Sonya Blade တို့ရဲ့သမီး Cassie Cage၊ Jax ရဲ့သမီး Jacqui, Kenshi ရဲ့သား Takeda နှင့် Kung Lao ရဲ့မျိုးဆက်ဖြစ်တဲ့ Kung Jin လိုမျိုးဇာတ်ကောင်သစ်တွေ ပထမဦးဆုံးအကြိမ်အဖြစ်ပါဝင်လာပါတယ်။ Mortal Kombat ဂိမ်းဇာတ်ကောင်တွေနှင့် ရင်းနှီးပြီးသားသူ အများစုကတော့ MKX Storyline ကိုနားလည်နိုင်ပေမည့် နောက်ကြောင်းပြန်တာတွေ၊ အနာဂတ်အချိန်တွေနှင့် time skip မျိုးစုံပါဝင်တဲ့အတွက် ကျန်ရှိတဲ့ ကစားသူတွေကတော့ ဇာတ်လမ်းအကုန်နားလည်ဖို့ ခက်ပေမည့် Versus Fighting Game ဖြစ်တဲ့အတွက် Mutiplayer mode ကိုပဲ အဓိက ကစားဖြစ်မှာမို့လို့ သိပ်တော့ပူစရာမလိုသလို Story mode ကိုအဓိက ကစားချင်ရင်တော့ Mortal Kombat 9 ရဲ့ဇာတ်လမ်းကို ကြိုသိထားရင် ပိုအဆင်ပြေမှာပါ။

အခြေခံ gameplay ပိုင်းအနေနှင့်ကတော့ အရင် Mortal Kombat 9 ရဲ့ gameplay ဂိမ်းတွေလိုပဲ basic attack နှင့် special attack မျိုးစုံပေါင်းစပ်ပြီး Combo တွေထုတ်နိုင်မှာဖြစ်သလို Health Bar အပြင် Stamina Bar ကိုလည်း ထည့်သွင်းလာတာ တွေ့ရပါတယ်။ ပုံမှန်တိုက်ခိုက်မှုအတွက်တော့ Stamina ကုန်မှာ မဟုတ်ပေမည့် Running နှင့် Dashing လိုမျိုး movement တွေအတွက် Stamina အသုံးပြုရမှာဖြစ်ပြီး Damage အများကြီးထိသ X-Ray Vision ထိုးဖောက်မြင်ရတဲ့ တိုက်ကွက်တွေ ရက်စက်တဲ့ Fatalities တွေလည်း မပါမဖြစ် ပါဝင်လာပါတယ်။ The Crypt ကနေပြီးတော့ ကစားရင်း ရရှိထားတဲ့ coins တွေနှင့် ဇာတ်ကောင်တစ်ယောက်ခြင်းဆီအတွက် Finishing Moves 5 မျိုးလောက်ထိ ရရှိနိုင်သလို Alternate Costume မျိုးစုံလည်း ပါဝင်ထားပါတယ်။ ဇာတ်ကောင် 24 ယောက်ပဲ အစောပိုင်းမှာ ရွေးနိုင်သလို အချို့နာမည်ကြီးဇာတ်ကောင်တွေ နေရာမှာ ဇာတ်ကောင်သစ်တွေ အစားထိုးဝင်ရောက်လာပေမည့် တစ်ယောက်ကို တိုက်ခိုက်ပုံပုံစံနှင့် special attack တွေမတူတဲ့ Variations 3 မျိုးဆီရွေးနိုင်တယ်ဆိုတော့ အချိန်ကြာကြာ မပျင်းအောင်ဆက်တိုက် ကစားနိုင်မှာဖြစ်ပါတယ်။

Mortal Kombat X ဂိမ်းဟာ graphics ပိုင်းကော gameplay framerate ပိုင်းကော ကြည့်မယ်ဆိုထွက်ထားသမျှ MK ဂိမ်းတွေထဲမှာ အကောင်းဆုံးနှင့် အသွက်လက်ဆုံးဖြစ်တာ တွေ့ရမှာဖြစ်ပြီး graphics ပိုင်းကောင်းလွန်းလွန်းပဲ အရင်က ရယ်စရာကောင်းအောင် Slapstick Violence ပုံစံလုပ်ထားတဲ့ Fatalities တွေကတော့ မြင်နေကြ မဟုတ်သူတွေအတွက် နည်းနည်းတော့ ကြောက်ဖို့ကောင်းနေမှာဖြစ်သလို MK ပရိသတ်တွေ အားလုံးနှင့် Versus Fighting ဂိမ်းပရိသတ်တွေကတော့ သေချာပေါက် သဘောကျမည့် ဂိမ်းသစ်ဖြစ်တာ တွေ့ရပါတယ်။

*** Game Review ကို MMGamers မှကူးယူဖော်ပြပါသည်။***

                                                                                                            Direct Download (31 GB)

                                                                                                       Password  ;  www.download.ir

Evolve

First Person Shooter နှင့် Third Person Action ပုံစံနှစ်မျိုးပေါင်းစပ်ထားတဲ့ Evolve ဟာ Left 4 Dead ဂိမ်းတွေကို ရေးဆွဲခဲ့ပြီး နာမည်ကျော်ခဲ့တဲ့ Turtle Rock Studios အဖွဲ့ရဲ့ နောက်ဆုံးထွက်ဂိမ်းသစ်ဖြစ်ပြီး အရင် Left 4 Dead ဂိမ်းတွေလိုပဲ single player ထက် multiplayer ကိုအသားပေးထားတဲ့ ဂိမ်းသစ်တစ်ခုဖြစ်တာ တွေ့ရမှာပါ။ The Crew ၊ Titanfall နှင့် Destiny တို့လို single player campaign ကော offline gameplay support ပါလုံးဝ မပါဝင်ခဲ့တဲ့ နောက်ပိုင်းနာမည်ကြီးလာတဲ့ multiplayer ဂိမ်းတွေလိုမဟုတ်ဘဲ Evolve ရဲ့ကောင်းတဲ့အချက်ကတော့ missions based single player campaign နှင့်အတူ A.I bots တွေနှင့် တွဲဖက်ပြီးတော့ ကစားလို့ရတဲ့ အချက်ပဲဖြစ်ပါတယ်။ Single player campaign missions နှင့်အတူ bots တွေနှင့်တွဲဖက်ကစားပြီး ကစားဖို့အတွက် internet connection လိုအပ်မှာမဟုတ်ဘဲ offline ကစားနိုင်ပြီး multiplayer mode မှာ အခြားကစားသမားတွေနှင့် တွဲဖက်ကစားဖို့ကကော original ခွေဝယ်ယူဖို့လိုအပ်မှာပါ။

လူသားဇာတ်ကောင် လေးယောက်နှင့် ဂြိုဟ်သားသတ္တဝါကြီးတစ်ကောင်ရဲ့ တိုက်ပွဲနေရာကနေ 4 VS 1 ကစားရမည့်အတွက်ကြောင့် မထွက်ခင်အစောကြီး ကတည်းက ပရိသတ်စိတ်ဝင်စားမှုရရှိထားတဲ့ Evolve ဂိမ်းအနေနှင့် multiplayer တိုက်ပွဲတွေကိုပဲ အဓိကအသားပေးထားတယ်ဆိုပေမည့် နောက်ခံဇာတ်လမ်းနှင့် ဇာတ်ကောင်တွေအကြောင်းကိုလည်း သေချာစီစဉ်ပေးထားတာ တွေ့ရပါတယ်။ Evolve ဂိမ်းရဲ့ဇာတ်လမ်းနှင့် မြေပုံတွေဟာ Shear လို့အမည်ရတဲ့ အာကာသကိုလိုနီနယ်မြေအတွင်းက ဂြိုဟ်တစ်ခုမှာ ဇာတ်လမ်းဆင်ထားပါတယ်။ Shear ဂြိုဟ်ရဲ့ သယံဇာတတွေ တူးဖော်နေတဲ့နေရာတွေကို ဂြိုဟ်သားသတ္တဝါကြီးတွေက ဝင်ရောက်တိုက်ခိုက်လို့ ကြေးစားတပ်သားခေါင်းဆောင် William Cabot နှင့်အဖွဲ့ဝင်တွေက လာရောက်ကယ်ဆက်ရပုံ ဇာတ်လမ်းဆင်ထားပါတယ်။
လူသားတပ်ဖွဲ့နေအနေနှင့် Assault၊ Trapper၊ Medic နှင့် Support ဆိုပြီး ပင်မ main class လေးမျိုးခွဲထားပြီး level တက်ပြီးတဲ့အခါတွေမှာ ရှိပြီးသား class ကနေမှ new character တွေကို ရရှိနိုင်မှာဖြစ်ပါတယ်။ Assault Class မှာဆိုရင် Lightning Gun နှင့် Assault Rifle နှင့်အတူ ထောင်ချောက်မိုင်းတွေတတ်ဆင်နိုင်တဲ့ Markov ကနေ level တက်သွားရင် flamethrower နှင့် minigun တွေသုံးနိုင်တဲ့ Hyde ကိုအသုံးပြုနိုင်မှာဖြစ်ပါတယ်။ Level တက်လို့ အကောင်သစ်တွေရတယ် ဆိုပေမည့် gameplay ပိုင်းအနေနှင့် အများကြီးပိုသာလာတာ မဟုတ်ဘဲ နည်းဗျူဟာပိုင်းအရ ရွေးချယ်စရာ ဇာတ်ကောင်တွေ ပိုများလာတာ ဖြစ်တဲ့အတွက် အစောကြီးကတည်းက unlock ဖြစ်ပြီးသား ဇာတ်ကောင်တွေကိုပဲ ကိုင်တွယ်မယ်ဆိုလည်း အဆင်ပြေမှာပါ။ အဓိကအရေးကြီးတဲ့အချက်ကတော့ သတ်မှတ်ထားတဲ့ class လေးမျိုးလုံးက တိုက်ပွဲထဲမှာ ပါဝင်ရမှာဖြစ်လို့ Assault နှစ်ယောက်တို့ Medic နှစ်ယောက်တို့ကိုင်နိုင်မှာမဟုတ်တဲ့အတွက် ဘယ်လိုဇာတ်ကောင်တွေ ကိုင်တွယ်မယ်ဆိုတာကို ကြိုတင်ရွေးချယ်ပြီး လေ့ကျင့်ထားသင့်ပါတယ်။ ရန်သူ Monster ကြီးတွေကို တိုက်ခိုက်ဖို့ Assault class ရဲ့ damage output လိုအပ်မှာဖြစ်သလို Monster ကိုထွက်မပြေးသွားအောင် ထိန်းနိုင်တဲ့ Trapper နှင့် နည်းမျိုးစုံဖြင့် တိုက်ပွဲအောင်မြင်အောင် ကူညီပေးမည့် Medic နှင့် Support တို့ကလည်း အရေးပါတဲ့အတွက် A.I bots နဲ့ကစားရင် သိပ်မသိသာပေမည့် အခြားကစားသမားတွေနှင့် online ချိပ်ကစားမည်ဆိုရင်တော့ ကိုယ့်ဇာတ်ကောင်ရဲ့တာဝန်ကို သေချာထမ်းဆောင်နိုင်ရင် ကစားပွဲက ပိုပြီးပျော်ဖို့ကောင်းလာမှာ သေချာပါတယ်။
Evolve ဂိမ်းရဲ့အဓိက game mode ကတော့ Hunt Mode ဖြစ်ပြီး level-1 ကနေစတင်တဲ့ Monster နောက်ကို Hunters လေးယောက်ကလိုက်ဖမ်းရမှာဖြစ်ပြီး Monster အနေနှင့်ကလည်း အကောင်ပိုကြီးပြီး level တက်လာအောင် Hunter လက်ကရှောင်ရင်း ကစားရမှာဖြစ်ပါတယ်။ Level အမြင့်ဆုံးရောက်ပြီးတော့ Hunter လေးယောက်နှင့် ရင်ဆိုင်တိုက်ခိုက်နိုင်တဲ့အချိန်မှာတော့ အခြား competitive multiplayer game တွေနှင့် ပုံစံကွဲပြားတဲ့ အရသာကို ခံစားရမှာပါ။ လောလောဆယ် Monster ငါးကောင်လာမယ် ကြော်ငြာထားပြီး ကျန်တဲ့နှစ်ကောင်ကတော့ DLC အဖြစ်မကြာခင်ထွက်လာမယ်လို့ Turtle Rock Studios ကပြောထားပါတယ်။ Monster အနေနှင့် မြေပုံပေါ်က အကောင်သေးလေးတွေကို စားပြီး level တက်နိုင်သလို Hunter အဖွဲ့ကလည်း သူစားမည့်အကောင်တွေကို ကြိုပြီးသတ်တာမျိုးတွေ၊ နည်းမျိုးစုံသုံးပြီး နောက်ယောင်ခံ လိုက်တာတွေက Hunt Mode ရဲ့ ရင်ခုန်စရာကောင်းတဲ့ အချက်တွေဖြစ်ပါတယ်။ Nest Mode မှာတော့ Monster အသိုက်တွေကို Hunters တွေက လိုက်လံဖျက်ဆီးရမှာဖြစ်ပြီး Defend Mode ကတော့ လူသားတွေရဲ့ စခန်းကို Monster တွေရန်မှ ကာကွယ်ရမှာဖြစ်ပြီး ဂြိုဟ်သားအလတ်စားအရွယ် Minions တွေလည်း ပါဝင်ထားလို့ Hunt Mode လို နေရာစုံလိုက်ရှာရမှာ မဟုတ်ဘဲ ထိပ်တိုက်တိုက်ခိုက်ချင်သူတွေ အတွက်အဆင်ပြေမှာပါ။
Turtle Rock Studios ရဲ့ Evolve ဟာ စကစားတဲ့အချိန်မှာ Monster တစ်ကောင်နှင့် Hunter လေးယောက်သာရွေးချယ်နိုင်ပေမည့် level တက်လာတာနှင့်အမျှ ရွေးချယ်စရာဇာတ်ကောင်တွေကော လက်နက်နှင့် Monster တွေရဲ့ special ability တွေပါ ပိုများလာတဲ့အတွက် ကြာလေဆော့လို့ ပိုကောင်းလေပါပဲ။ အစပိုင်း level တင်ချိန်ကတော့ စိတ်နည်းနည်းရှည်ဖို့ လိုပေမည့် offline mode ကစားပြီးတော့ အကောင်မျိုးစုံစမ်းကိုင်ကြည့်ပြီး ကြိုက်တယ်ဆိုရင်တော့ original ဝယ်ပြီး online multiplayer ဆက်လက်ကစားသင့်တဲ့ FPS ဂိမ်းကောင်းတစ်ခုဖြစ်ပါတယ်။

*** Game Review ကို MMGamers မှကူးယူဖော်ပြပါသည်။***

                                                                                                       Direct Download ISO(26.48 GB)

Call of Duty: Advanced Warfare

Activision ရဲ့ Call of Duty စီးရီးဟာ နှစ်ကုန်ခါနီးတိုင်းအမြဲတိုင်း ဂိမ်းသစ်ထွက်လေ့ရှိတဲ့ စာရင်းထဲမှာပါဝင်ပေမည့် ဂိမ်းရေးသားချိန်ကို တစ်နှစ်အတွင်း အမြန်ရေးတာမဟုတ်ဘဲ Ubisoft နှင့် Assassin's Creed စီးရီးလိုမျိုး developer အဖွဲ့တွေ ခွဲပြီးအချိန်ယူ ရေးဆွဲခဲ့လို့ ဇာတ်လမ်းပိုင်း၊ gameplay ပိုင်း quality ကောင်းမွန်အောင် ဖန်တီးနိုင်ခဲ့တာကို တွေ့ရပါတယ်။ 2013 တုန်းက Call of Duty Ghosts ကို Infinity Ward ကရေးဆွဲခဲ့ပြီး ပုံမှန်ဆိုရင် Treyach ရဲ့ဂိမ်းအသစ်ထွက်ရမည့် နှစ်ဖြစ်ပေမည့် နောက်ထက် developer တစ်ဖွဲ့ဖြစ်တဲ့ Sledgehammer Games ဂိမ်းဟာ Call of Duty Advanced Warfare ကို သုံးနှစ်ကျော်ကြာ အချိန်ပေးရေးဆွဲခဲ့ကြောင်း သိရပြီး အရင်သုံးနေကြ IW Engine အစား Sledgehammer Games ရဲ့ Custom Game Engine အသစ်ကို အသုံးပြုထားလို့ graphics ပိုင်းအကောင်းဆုံးနှင့် ခေတ်အမှီဆုံး next generation Call of Duty ဂိမ်းသစ်အဖြစ် မြင်တွေ့ရမှာပါ။ World War II ခေတ်က ဂိမ်းတွေနှင့်စတင်ခဲ့တဲ့ Call of Duty Series ဟာ CoD: Black Ops II မှာတော့ တိုးတက်တဲ့ အနာဂတ်အချိန် 2025 ခုနှစ်မှာ အဓိကနေရာယူထားပြီး စက်ရုပ်တွေ လက်နက်ဆန်းတွေ အသုံးပြုစေခဲ့သလို Call of Duty Advanced Warfare ကတော့ 2054 ခုနှစ်နောက်ပိုင်းမှာ နေရာယူထားလို့ အရင်ထက်ပိုပြီး ဆန်းပြားတဲ့ လက်နက်နှင့် နည်းပညာအသစ်အဆန်းတွေ ပါဝင်ထားတာ တွေ့ရပါတယ်။

Call of Duty Advanced Warfare ရဲ့ campaign တစ်လျှောက်မှာ အရင်ထက်ပိုပြီး အချိန်ယူရေးဆွဲထားတဲ့ အချက်တွေကို သတိထားမိမှာဖြစ်ပြီး ဇာတ်လမ်းအစကတည်းက ပြသတဲ့ cutscenes တွေဟာဆိုရင်လည်း လူသားသရုပ်ဆောင်တွေနီးပါး သဘာဝကျတဲ့ လှုပ်ရှားမှုနှင့် မျက်နှာအမူအရာတွေကို မြင်တွေ့ရမှာဖြစ်ပြီး စတင်ကြော်ငြာချိန်ကတည်းက အသားပေးပြသထားတဲ့ Oscar ဆုရ မင်းသားကြီး Kevin Spacey ရဲ့ဇာတ်ကောင် Jonathan Irons ကိုဆိုရင်လည်း အဆင့်မြင့် motion capture နည်းတွေသုံးပြီး ဖန်တီးထားလို့ cutscenes တွေကတော့ အရင်ထက်ပိုပြီး အသက်ဝင်နေတာကို တွေ့ရပါတယ်။

2054 ခုနှစ်မှာ ဇာတ်လမ်းစတင်ထားတဲ့ Call of Duty Advanced Warfare မှာ ကစားသူဟာ United States Marine Corps ရဲ့ တပ်သားဖြစ်သူ Jack Mitchell နေရာက ဝင်ရောက်ကစားရမှာဖြစ်ပြီး South Korea နိုင်ငံ Seoul မြို့ကို North Korea နိုင်ငံက ဝင်ရောက်ကျူးကျော်တိုက်ခိုက်တဲ့ တိုက်ပွဲအပြီး သူငယ်ချင်းဖြစ်သူ Will Irons သေဆုံးပြီး Jack Mitchell အနေနှင့် လက်တစ်ဖက်ပျက်သွားခဲ့ပါတယ်။ Jack Mitchell အနေနှင့် Will Irons ရဲ့ဈာပနအပြီးမှာ Will ရဲ့ဖခင် Jonathan Irons တည်ထောင်ထားတဲ့ စစ်ရေးဆိုင်ရာမှာ ခွန်အားအကြီးဆုံး private military contractor ဖြစ်တဲ့ Atlas Corporation ရဲ့ ဖိတ်ကြားခြင်းခံခဲ့ရပါတယ်။ Jack ဟာ အဆင့်မြင့် prosthetic အစားထိုးလက်နှင့်အတူ စွမ်းရည်မျိုးစုံအသုံးပြုနိုင်တဲ့ exoskeletal armor တွေကို အသုံးပြုပြီး ရန်သူအကြမ်းဖက်သမားတွေနှင့် ရင်ဆိုင်ရမှာဖြစ်သလို အစကတည်းက ကြော်ငြာထားသလိုပဲ ကမ္ဘာကြီးကို အပိုင်စီးဖို့ ကြံစည်နေတဲ့ Jonathan Irons ကို ပြန်လည်တားဆီးဖို့ ကြိုးစားရပုံ ဇာတ်လမ်းဆင်ထားတာ တွေ့ရမှာပါ။ Advanced Warfare ရဲ့ Jonathan Irons ပါဝင်တဲ့ ဇာတ်ဝင်ခန်းတိုင်းမှာ စိတ်ဝင်စားစရာ dialogue တွေနှင့် ကောင်းမွန်တဲ့ သရုပ်ဆောင်မှုမျိုးစုံပါဝင်ထားသလို ကစားသူရဲ့ဇာတ်ကောင် Jack Mitchell (အသံသရုပ်ဆောင် - Troy Baker) ရဲ့စကားပြောခန်းတွေလည်း ပါဝင်ထားတဲ့အတွက် နောက်ပိုင်း Call of Duty ဂိမ်းတွေအနေနှင့် Sledgehammer Games က တင်ဆက်သွားတဲ့ cutscenes တွေရဲ့ quality ကို မှီဖို့အရင်ထက်ပိုပြီး ကြိုးစားရတော့မှာ ဖြစ်ပါတယ်။

Gameplay ပိုင်းအဓိက ထူးခြားချက်ကတော့ အမြင့်ကြီးခုန်နိုင်သလို လေထဲမှာ တစ်ချက်ထောက်ပြီး ပြေးနိုင်တဲ့ Dash ability ပါဝင်ထားပြီး Batman လိုမျိုး Grapple Hook ကိုလည်းအသုံးပြုနိုင်ပါတယ်။ ရန်သူတွေကို ဖောက်ထွင်းမြင်ရအောင် လုပ်ပေးတဲ့ဗုံးတွေ၊ လျှပ်စစ်အသုံးပြုထားတဲ့ စက်ရုပ်တွေ၊ drone swarm တွေကို ရပ်တန့်သွားစေမည့် EMP Shockwave grenade တွေအစရှိသဖြင့် ability နှင့် လက်နက်တွေ ပါဝင်ထားပါတယ်။ Advanced Warfare ရဲ့ဇာတ်လမ်းတစ်လျှောက်မှာ စွမ်းရည်မျိုးစုံပါဝင်တဲ့ Exo suit တွေအသုံးပြုနိုင်သလို multiplayer မှာဆိုရင်လည်း Exo suit တွေဝတ်ဆင်ထားလို့ ပုံမှန် CoD Multiplayer mode တွေထက် အသက်ပိုပြင်းပြီး head shot ကလွဲလို့ ကျည်တစ်ချက်၊ နှစ်ချက်မှန်ရုံနဲ့ သေသွားမှာ မဟုတ်သလို Titanfall လိုမျိုး သွက်လက်တဲ့ gameplay နှင့် ပိုကျယ်တဲ့ မြေပုံတွေ ပါဝင်ထားတာ တွေ့ရပါတယ်။ အရင်လို Co-op mode လည်းပါဝင်ထားပေမည့် zombies တွေ၊ ဂြိုဟ်သားတွေမဟုတ်ဘဲ သာမှန်ရန်သူစစ်တပ်ကို wave 25 ခု ခုခံတိုက်ခိုက်ရတဲ့ Exo survival ပါဝင်ထားပြီး ရိုးရိုးစစ်သားတွေအစား စက်ရုပ်တွေ၊ zombies တွေဆိုရင်တော့ ကစားရတာ ပိုသွက်နိုင်ပါတယ်။ Customization option မှာ လက်နက် loadout အပြင် ဝတ်စုံ၊ ခေါင်းစွပ်နှင့် မျက်မှန်အစရှိတဲ့ accessory မျိုးစုံကို ပြင်ဆင်နိုင်ပြီး headshot အများကြီးပစ်နိုင်ရင် ရတဲ့ Bloodshed helmet လိုမျိုး skill-specific accessory တွေလည်းပါဝင်ထားပါတယ်။

Call of Duty – Advanced Warfare ဟာ နှစ်စဉ်နှစ်တိုင်း ထွက်နေကြ ဂိမ်းတစ်ခုဖြစ်ပေမည့် science fiction gameplay features အသစ်တွေ၊ စိတ်ဝင်စားစရာ cutscenes တွေ ဆက်လက်ထည့်သွင်းပေးနိုင်တာ မြင်တွေ့ရပြီး updated graphics နှင့် level design တွေနှင့်အတူ Multiplayer ပိုင်းလည်း အရင်ထက် ပိုမိုကောင်းမွန်လာတဲ့အတွက်ကြောင့် first person shooter ပရိသတ်တွေ သဘောကျဦးမည့် ဂိမ်းဖြစ်ပါတယ်။

*** Game Review ကို MMGamers မှကူးယူဖော်ပြပါသည်။***

Direct Download One2up(27 GB)